Hoërskool Strand

Hoërskool Strand is baie trots op Carli Swart wat die pas afgelope naweek tot die O/14 Wes-Kaap Netbalspan (Cedars), verkies is. Hierdie is ‘n uitmuntende prestasie.

Carli gaan as Doel vir die Cedars tydens die “All Ages”-toernooi vanaf 24 tot 29 Junie wat in Boksburg plaasvind, deelneem. Baie geluk aan hierdie puik Netbalspeler van die Arende-familie. Ons is voorwaar trots op jou.

Ons Arende was bevoorreg om op Vrydag 18 Mei twee unieke aktrises, Donnalee Roberts en Simoné Nortmann wat in die fliek, STROOMOP speel, te ontvang. Saam met hulle het Caroline Grace ook ‘n stukkie van haar grootword jare met ons gedeel.

Dit was ‘n besondere belewenis vir ons meisies wat baie opgewonde was oor die pryse wat hulle kon wen. ‘n Verder prys is die geleentheid wat geskep is om tydens die première saam met die aktrises van STROOMOP op die rooi tapyt te verskyn. Die fliek begin op 9 Augustus draai.

Baie dankie vir die inspirasie en die verhaal wat julle met ons gedeel het: ‘n verhaal van lewe en dood, vriendskap, selfontdekking, vergifnis en genesing.

Op Vrydag en Saterdag 2 en 3 Maart het 25 atlete van Hoërskool Strand aan die Boland atletiekkampioenskap by Dal Josafat deelgeneem. Die kompetisie by hierdie byeenkoms is baie sterk, aangesien atlete van alle streke in die Boland deelneem.

Ses atlete het aandie kwalifiserende standaarde voldoen en is in die Boland-span opogeneem om op 9 en 10 Maart aan die Wes-Kaap Kampioenskap deel te neem. By hierdie kampioenskap word die atlete aan nog hoër standaarde onderwerp om dan in die Wes-Kaapspan opgeneem te word en uiteindelik aan die SA Skole Kampioenskap deel te neem.

Die volgende atlete het gekwalifiseer en goeie prestasies gelewer:

Agter: Marli Botha (1e plek D.15 hamergooi), Adriaan Kennedy (2e plek S.17 hoogspring en 3e plek 400m hekkies)

Voor: Caitlin Isaacs (1e plek D.17 100m en 2e plek D.17 200m), Anél Swart (4e plek D.17 hamergooi), Jada Dippenaar (3e plek D.19 hamergooi), Carli Swart (2e plek D.15 hamergooi)